batre

Batre, act. penac. Est frapper ou par injure ou pour correction, Caedere, verberare, Et vient de ce vieux mot Latin Batuo, duquel Plaute, Ciceron et Pline usent, qui signifie frapper, ainsi que dit est. De là sont appelez les Batus, voyez Batus. Batre aussi est usité par metaphore és choses inanimées et insensibles, Selon ce on dit, Batre l'aire d'une maison ou d'un champ pour l'applanir, ou un pavé pour l'enfoncer et affermir, ce qui se fait avec grosses masses droites appelées Bates, Tundendo aequare solum, Tundendo pauimentum ac eius silices solidare, Et de ceste signification translatée on dit aussi par translation secondaire, Batre le pavé, pour se promener par la ville oisifvement, et trotter çà et là par les rues en faineant. Et en phrase militaire, Batre aux champs, Batre les chemins, ou la strade, quand les coureurs font des chevauchées de guerre, cerchans proye et adventure sur leurs ennemis és chemins et en la campagne çà et là, Incurrere, incursionibus hostes vexare, Selon laquelle acceptation on pourroit aussi dire Batre les eaux, quand les pirates et escumeurs de mer, ou une juste flotte et armée de mer, avecques vaisseaux de rame (car des vaisseaux ronds ne peut-on dire proprement qu'ils aillent batans les eaux) vont faire courses çà et là par mer et eauë douce pour pareilles occasions, et Batre une muraille, pour la mettre bas, ou y faire breche, et y entrer d'assaut, ce que les Romains faisoient avec grosses poutres suspendues entestées de fer en forme de teste de belier, et nous à present faisons à coup de canon, dont vient le mot militaire Baterie, qui signifie le heurtis des boulets contre les murailles d'une ville, quand ils sont canonnez, tout ainsi qu'on dit quand la meslée se fait de deux armées, qu'ils se battent. Dont vient le mot combat, et le verbe combatre, estant Batuere, usité des Latins pour pugnare, comme Sueton. In Caligula en use és chapitres 32. et 54.

Batre jusques à la mort, Ad mortem vsque multare.

Batre de verges jusques à la mort, Caedere aliquem virgis ad necem.

Batre à force, Deuerberare.

Se batre l'un contre l'autre, Velitari.

Ils estoient tous prests à se batre, ou à combatre, Nec procul dimicatione res erat, B. ex Liuio.

Venir jusques à se batre et s'entr'empoigner, Venire ad manus.

On se batit si longuement, qu'on ne sçavoit qui avoit du meilleur ou du pire, Ibi Marte incerto pugnatum fuit.

Batre le bled au fleau, Baculis grana excutere, Colum. lib. 2. c. 21.

Batre quelqu'un à force de tesmoins, Caedere testibus.

Batre aucun à force d'argent, et tascher à le vaincre, Oppugnare aliquem pecunia.

Maintenant c'est batre à froid, Caluit re recenti, nunc in causa refrixit, B. ex Cic.

Batre l'eau, c'est à dire, Perdre sa peine, Oleum et operam perdere.

Batre les eaux ou les ruisseaux, Se dict entre veneurs d'un cerf, lors qu'estant pressé des chiens pour se desfaire d'eux il se lance dans un estang ou dans une riviere, et s'en va nageant.

Qui est batu, Verberatus, Incussus.

Estre batu, Vapulare, Verbera ferre.

Estre batu du maistre, Pendere poenas magistro.

Qui est aucunement palle, et comme batu d'escourgées, Sublaridus.

A demi batu ou broyé, Semitritus.

Digne d'estre batu et fouëtté, Verbero, verberonis.

Batu de verges et fouetté par les quarrefours, Verbero compitalitius, Verbero famosus, et mastigia facinorosissimus, per omnes vicos sub verberibus actus, B. ex Liuio.

Batu en un mortier, Pistus, Tritus.

Thresor de la langue françoyse. Jean Nicot.